Kennari er Ingibjörg Ágústsdóttir úr Faldafeyki, áhugahóps um Faldbúninginn. Námskeiðið er í samstarfi við Heimilisiðnaðarskólann.


Námskeiðið er 35 kennslustundir.

Kennt er frá kl. 10.oo laugard. 27.júní til kl.12.oo miðvikud. 1. júlí.
Verð er 44.500– kr. Innifalið í námskeiðsverði er:
Kennsla, hádegisverður og kaffi laugard.-þriðjud.,
hátíðarkvöldverður sunnudag og allar leiðsagnir.
Leiðsagnir verða um Kvennaskólann, Heimilisiðnaðarsafnið, Þingeyrakirkju og heimsókn í Ullarþvottastöðina.

Öll kennslugögn eru innifalin.

Kniplingar er blúndugerð sem eiga sér langa sögu. Unnið er með mörg kefli á bretti og fléttað saman eftir kúnstarinnar reglum. Á Íslandi eins og í Evrópu þekkjast kniplingar sem blúndugerð en sérstök þróun varð í gerð ullarkniplinganna hér á landi.

Á faldbúningnum eru ullarkniplingar á pilsi og svuntu eða samfellu og eru til í heimildum frá upphafi 18.aldar. Fjölmörg mynstur og prufur hafa varðveist, bæði á búningunum og sem stakir bútar.

Innan Faldafeykis, sem er áhugahópur um endurgerð gamla faldbúningsins, hefur verið unnið markvisst að endurgerð ullarkniplinganna ásamt því fjölbreytta handverki sem einkennir faldbúninginn. Ingibjörg Ágústsdóttir hefur skráð, gert uppdrætti og prufur sem eru eftirgerð eldri kniplinganna.

Ingibjörg hefur þegar kniplað á tvö pils og svuntur, ásamt kraga og upphlutum. Þessir búningar ásamt fleirum verða til sýnis á meðan á námskeiðinu stendur.

Ingbjörg leiðbeinir með það úrval mynstra sem er í boði, en hún hefur fært þessi mynstur í tölvutækt form.  Ullargarn sem hefur reynst best verður til sölu á námskeiðinu. Kniplbretti verða lánuð á meðan á námskeiðinu stendur.

Gisting er ekki innifalin en ýmsir möguleikar eru á gistingu á Blönduósi.
Nánari upplýsingar í s. 894-9030 og www.nv.is og www.northwest.is/blonduos.asp