Prjóntækni og prjónahönnun
Kennari er Margrét Linda Gunnlaugsdóttir,
þjóðfræðingur, textílhönnuður og fyrrv. ritstjóri Lopa og bands.
Þetta námskeið hentar vel bæði byrjendum og þeim sem eru vanar að prjóna.
Námskeiðið er 35 kennslustundir.
Kennt er frá kl. 10.oo laugard. 27.júní til kl.12.oo miðvikud. 1. júlí.
Verð er 44.500– kr. Innifalið í námskeiðsverði er:
Kennsla, hádegisverður og kaffi laugard.-þriðjud.,
hátíðarkvöldverður sunnudag og allar leiðsagnir.
Leiðsagnir verða um Kvennaskólann, Heimilisiðnaðarsafnið, Þingeyrakirkju og heimsókn í Ullarþvottastöðina.
Öll kennslugögn eru innifalin.
- Kenndar verða ýmsar aðferðir við uppfit, stroff, útaukningar og affellingar.
Kennt verður að reikna út prjónfestu og reikna út stærðir.
- Kennt verður myndprjón (Kaffe Fasset prjón) og rósaleppaprjón (íslenskt myndprjón).
- Hvernig er hugmynd færð yfir í flík – prjónahönnun kynnt með myndum og sýnishornum.
uppfit, kögur og affelling
Gisting er ekki innifalin en ýmsir möguleikar eru á gistingu á Blönduósi.
Nánari upplýsingar í s. 894-9030 og www.nv.is og www.northwest.is/blonduos.asp
Á lengri námskeiðum Textílsetursins er markmiðið að bjóða
upp á umhverfi þar sem áhugasamir geta komið saman í
3-5 daga við handíðir og handverk í fríi frá amstri hversdagsins.
Námskeiðin eru tilvalin til afslöppunar og til að njóta þessa að skapa,
vinna og læra í samfélagi við aðra með svipuð áhugamál. Nokkur námskeið eru í boði hverju sinni svo vinahópar eða fjölskyldur geta fundið eitthvað við sitt hæfi.
Í Kvennaskólanum á Blönduósi fór fram kennsla í ýmsum kvenlegum listum og ber byggingin með sér andblæ liðinna tíma. Textílseturs Íslands hefur aðsetur í Kvennaskólanum og hefur það að markmiði að endurvekja og efla textílfræðslu og textíllistir, með rannsóknum, kennslu og fræðslu.
Kvennaskólanum, Árbraut 31,
540 Blönduós.
skráning: textilsetur@simnet.is