Tálgun í ferskan við
Kennari er Hrefna Aradóttir, handverksmaður.
Námskeiðið er í samstarfi við Skógrækt Ríkisins og er námskeiðunum “Lesið í skóginn og tálgað í tré”.Gestakennari verður Ólafur Oddsson frá Skógrækt Ríksins.
Námskeiðið er 35 kennslustundir.
Kennt er frá kl. 10.oo laugard. 27.júní til kl.12.oo miðvikud. 1. júlí.
Verð er 44.500– kr. Innifalið í námskeiðsverði er:
Kennsla, hádegisverður og kaffi laugard.-þriðjud.,
hátíðarkvöldverður sunnudag og allar leiðsagnir.
Leiðsagnir verða um Kvennaskólann, Heimilisiðnaðarsafnið, Þingeyrakirkju og heimsókn í Ullarþvottastöðina.
Öll kennslugögn eru innifalin
.
- Kennd verður: grunn tálgun og meðferð áhalda (t.d. brýnun hnífa).
- Tálgað er úr ferskum viði og kynnt verður mismunandi efnisnotkun og eiginleikar einstakra trjátegunda. Gunnfríðarstaðarskógur verður sóttur heim, nemendum kennt að velja efnivið til að vinna úr án þess að skaða skóginn.
- Verkefni: smjörhnífur, skefting smááhalda, snagar, salatsett, fuglar og aðrir smáhlutir.
- Litun og frágangur.
- Stálpuð börn eru velkomin í umsjá foreldra.
- Nemendur taki með sér tálguhnífa en þeir verða einnig til sölu á staðnum.
- Námskeiðið er tilvalið fyrir sumarbústaðaeigendur og útivistarfólk sem áhuga hefur á því að nýta hráefni úr náttúrunni.
Gisting er ekki innifalin en ýmsir möguleikar eru á gistingu á Blönduósi.
Nánari upplýsingar í s. 894-9030 og www.nv.is og www.northwest.is/blonduos.asp
Á lengri námskeiðum Textílsetursins er markmiðið að bjóða
upp á umhverfi þar sem áhugasamir geta komið saman í
3-5 daga við handíðir og handverk í fríi frá amstri hversdagsins.
Námskeiðin eru tilvalin til afslöppunar og til að njóta þessa að skapa,
vinna og læra í samfélagi við aðra með svipuð áhugamál. Nokkur námskeið eru í boði hverju sinni svo vinahópar eða fjölskyldur geta fundið eitthvað við sitt hæfi.
Í Kvennaskólanum á Blönduósi fór fram kennsla í ýmsum kvenlegum listum og ber byggingin með sér andblæ liðinna tíma. Textílseturs Íslands hefur aðsetur í Kvennaskólanum og hefur það að markmiði að endurvekja og efla textílfræðslu og textíllistir, með rannsóknum, kennslu og fræðslu.
Kvennaskólanum, Árbraut 31,
540 Blönduós.
skráning: textilsetur@simnet.is